ޕޮލިސް ކުލަބު ހަވަނަ ފަހަރަށް ޗެމްޕިއަންކަން ހޯދައިފި

ސާޅީސް ހަތަރުވަނަ ޤައުމީ އަންހެނުންގެ ވޮލީ މުބާރާތުގެ ތަށި ޖެހިޖެހިގެން ހަވަނަފަހަރު ޕޮލިސްޓީމުން އުފުލާލަނީ

ހއ. އިހަވަންދޫގައި މިއަދުނިމިގެން ދިޔަ ޤައުމީ ވޮލީބޯޅަ މުބާރާތުގެ އަންހެން ޑިވިޜަނުގެ ފައިނަލް މެޗުގައި އިހަވަންދޫ މަސްވެރިންގެ ގުޅުމާއި އެކު ކުޅެ 3 ސެޓު 2 ސެޓުން މެޗް ކާމިޔާބުކޮށްގެން ޕޮލިސްކުލަބު މުބާރާތުގެ ތަށި އުފުލާލައިފިއެވެ.

މިއަދު ހަވީރު އިހަވަންދޫ ހުރަވީ ދަނޑުގައި ކުރިއަށް ދިޔަ މިމެޗްގައި ފުރަތަމަ ސެޓު ވަރަށް ފަސޭހަކަމާއި އެކު 25-15 އިން ޕޮލިސް ކުލަބު ގެންދިޔަ ނަމަވެސް އިމަގު ޓީމުން އައު ހިތްވަރަކާއި އެކު ދެވަނަ ސެޓަށް އަރައި އެސެޓު ކާމިޔާބު ކުރިއެވެ. އަބަދުވެސް 4 ނުވަތަ 5 ޕޮއިންޓު ކުރީގައި އޮވެގެން ދެވަނަ ސެޓު އިމަގުން ގެންގޮސްފައި ވަނީ 25-14 އިން ނެވެ. ޕޮލިސް ޓީމު ދެވަނަ ސެޓުގައި ކުޅެފައިވަނީ ވަރަށް ޕުރެޝަރުގަކަން ފާހަގަ ކުރެވެއެވެ.

މުބާރާތުގައި އެންމެ ޝަރަފުވެރި ވަނަތައް ލިބުނު ފަރާތްތައް

 44ވަނަ ޤައުމީ ވޮލީބޯޅަ މުބާރާތުގެ އަންހެން ޑިވިޜަންގެ ވަނަތައް

މުބާރާތުގެ ފެއަރ ޕުލޭޓީމް	ޕޯލސްޓަރ
އެންމެ މޮޅު ކޯޗް	މުޙައްމަދު ނަދީމް. ޕޮލިސްކުލަބު
އުންމީދީ ކުޅުންތެރިޔާ	އައިޝަތު ލުބުނާ. އިމަގު ޖ. 5
21 އަހަރުން ދަށުގެ އެންމެ މޮޅު ކުޅުންތެރިޔާ	އައިޝަތު މާޖިދާ. އިމަގު ޖ.10
ފެއަރޕުލޭ ކުޅުންތެރިޔާ	ފާތިމަތު ސަމާހު. މުރައިދޫ އެކުވެރިންގެ ރޫހު. ޖ. 17
އެންމެ މޮޅު ކުޅުންތެރިޔާ	އަބުރަހަމް މިނިމޯލް. ޕޮލިސްކުލަބު ޖ. 5
އެންމެ މޮޅު ލިބަރޯ	މުއީނާ ހަސަން. ޕޮލިސް ކުލަބު ޖ.11
އެންމެ މޮޅު ބުލޮކަރ	ލީލާ ހަމީދު. ޕޮލިސް ކުލަބު. ޖ.9
އެންމެ މޮޅު ޑިގަރ	އެރިކާ އެންޑަރސަން. ޕޯލސްޓަރ. ޖ. 12
އެންމެ މޮޅު ސްޕައިކަރ	ތަރުއާ އަންނިކާ. އިމަގު ޖ. 13
އެންމެ މޮޅު ސެޓަރ	ސުހާނާ އަހުމަދު. ޕޮލިސް ކުލަބު ޖ.10
އެންމެ މޮޅު ސާރވަރ	ނަސްރާ އިބުރާހިމް. ޕޯލްސްޓަރ ޖ. 4
3 ވަނަ ޓީމް	ކުލަބު ޕޯލްސްޓަރ
2 ވަނަ ޓީމް	އިހަވަންދޫ މަސްވެރިންގެ ގުޅުން (އިމަގު)
ޗެމްޕިއަން ޓީމް	ޕޮލިސް ކުލަބު