އިހަވަންދޫ ސިއްހީމަރުކަޒުގެ ޑޮކްޓަރުންގެ ޑިޔުޓީއަށް ބަދަލުއައުން

ޑރ އާޒިބް އަދި ޑޮރ ޝާޒިޔާ

އިހަވަންދޫ ސިއްޙީ މަރުކަޒުގައި މަސައްކަތްކުރައްވަމުން ގެންދެވި ދެ ޑޮކްޓަރުން ކަމުގައިވާ ޑރ. އާޒިބް ބަޝީރު ވާނީ އަދި ޑރ. ޝާޒިޔާ އަޝްރަފް ޝާޙް، އަހަރީޗުއްޓީއަށް ވަޑައިގެންފައިވާތީ، އެބޭފުޅުންގެ ޗުއްޓީ ނިންމެވުމަށްފަހު އަލުން ވަޒީފާއަށް ނުކުންނަވަންދެން އެމަރުކަޒުގައި މަސައްކަތް ކުރައްވަމުން ގެންދަވާނީ އެންމެ ޑޮކްޓަރެއްކަމުގައި އެމަރުކަޒުން ހާމަކުރައްވާފިއެވެ.

 އެހެންކަމުން މިދުވަސްތަކުގައި ޑޮކްޓަރު ޑިއުޓީގައި އިންނަވާނީ ތިރީގައި މިދަންނަވާ ގަޑިތަކުގައެވެ.

ރަސްމީދުވަސްތައް ( ހޮނިހިރު ދުވަހުން ބުރާސްފަތި ދުވަހަށް ) :

ހެނދުނު: 8:00 ން ހަވީރު 4:00 އަށް (12:00 ން 13:00 ށް،ހުސްވަގުތުކޮޅު)

ރޭގަނޑު 8:00 ން ރޭގަނޑު 11:00 އަށް

ހުކުރު ދުވަސް:

ހެނދުނު: 8:00 ން 11:00 ށް

ރޭގަނޑު: 8:00 ން 11:00 ށް

އަދި މިގޮތަށް ޑޮކްޓަރުގެ ޑިއުޓީ ހަމަޖެހިފައި ވީނަމަވެސް، އެމަޖެންސީ ޙާލަތެއް މެދުވެރިވެއްޖެ ކޮންމެ ހިނދެއްގައި ވެސް ޑޮކްޓަރުގެ ޚިދުމަތް ލިބޭނެ ކަމަށާއި، އެހެން ނަމަވެސް މިދުވަސްވަރު އާދައިގެ ކަންކަމުގައި ޑޮކްޓަރަށް ދައްކަން ވަޑައިގަންނަވާއިރު ޑޮކްޓަރު ޑިއުޓީގައި އިންނެވިތޯ ބެއްލެވުމަށްފަހު މަރުކަޒަށްވަޑައި ގަތުމަށް ޚާއްޞަ ސަމާލުކަމެއްދެއްވުމަށް ވެސް އެމަރުކަޒުން އެދިލައްވާފައި ވެއެވެ.